ALBCONTROL është e angazhuar t’i sigurojë përdoruesve të hapësirës ajrore dhe aeroportit shqiptar parrezikshmëri dhe mbarëvajtje të fluturimeve të tyre. Objektivi kryesor i ALBCONTROL lidhur me parrezikshmërinë është minimizimi i riskut të aksidenteve  ajrore të shkaktuara nga proçedurat e menaxhimit të trafikut ajror ATM, sa më shumë të jetë e mundur.

Për të arritur këtë ALBCONTROL:

• I  jep prioritet të lartë parrezikshmërisë lidhur me praktikat komerciale, operacionale, mjedisore dhe sociale.

• Zbaton një qasje të formalizuar, të qartë dhe  pro-aktive mbi përmirësimin e vazhdueshëm të parrezikshmërisë.

ALBCONTROL:

• Drejton një Sistem Menaxhimi të Parrezikshmërisë në përputhje me kërkesat dhe  rregulloret që lidhen me këtë çështje.

• Siguron që SMS të mbulojë Rrjetin e Menaxhimit të Trafikut Ajror si një organizëm i plotë, duke u mbështetur te burimet njerëzore, proçedurat dhe pajisjet që ka në dispozicion.

• Është i vetëdijshëm se të  gjithë personat e përfshirë në proçeduarat e parrezikshmërisë  kanë përgjegjësi individuale për veprimet që ndërmarrin  dhe menaxherët e tyre janë gjithashtu përgjegjës për parrezikshmërinë në zonat e tyre të kontrollit;

• Vlerëson ndërlikimet, vështirësitë e parrezikshmërinë lidhur me aktivitetet e tij;

• Inkurajon shkëmbimin e informacionit dhe nxjerr mësime, në kohën e duhur,  mbi rrisqet që lidhen me parrezikshmërinë;

• Promovon një kulturë të hapur dhe të drejtë  të  raportimit të dukurive të parrezikshmërisë;

• Identifikon, koordinon dhe monitoron iniciativa mbi përmirësimin e parrezikshmërisë;

• Promovon praktikat më të mira për sistemet e menaxhimit të parrezikshmërisë në shërbimet e  navigimit ajror dhe mbështet zbatimin e tyre;

• Kryen politikat e parrezikshmërisë në partneritet të ngushtë me Autoritetet Shqiptare;

• Mbështet bashkëpunimin me operatorët e  hapësirës ajrore dhe aeroporteve, ANSP-ve fqinje  dhe Organizatave  Ndërkombëtare.

ALBCONTROL drejton Menaxhimin e Parrezikshmërisë, duke:

• Promovuar kulturën e parrezikshmërisë brenda dhe jashtë ALBCONTROL;

• Siguruar burime financiare, materiale dhe njerëzore të mjaftueshme për të arritur objektivat e parrezikshmërisë;

• U siguruar që të ruhen nivelet e duhura të kompetencës;

• Kontrolluar rregullisht rezultatet dhe proçeset e parrezikshmërisë;

• Komunikuar  mbi çështjet e menaxhimit të parrezikshmërisë.