Dhurim gjaku në ndihmë të fëmijëve talasemike 27 Qershor 2014 | 31.07.2014
Pas ndihmës për fëmijët e ngujuar në veri të vendit dhe dhuratave të shpërndara për pacientët e vegjël të Pediatrisë, ALBCONTROL i është përgjigjur pozitivisht kërkesës së Kryqit të Kuq për të dhuruar gjak për fëmijët talasemikë.
Në datë 27 Qershor, në mjediset e ALBCONTROL, rreth 100 pjesëtarë të stafit u ofruan vullnetarisht për të dhuruar gjak duke dëshmuar edhe një herë humanizëm, solidaritet dhe përgjegjshmëri sociale.
Ata të cilët e kishin të pamundur të dhuronin gjak, kontribuan në vlerë monetare për fëmijët e tjerë në nevojë. Në përfundim të procesit Kryqi i Kuq Shqiptar njoftoi se janë mbledhur 40 njësi gjaku dhe një vlerë prej 110.000 lekësh.
ALBCONTROL do të vazhdojë të jetë e fokusuar në ndihmën ndaj personave në nevojë dhe sidomos ndaj fëmijëve të vegjël.
